Hi Friends, It is Nicely done...

Poetry/Song by unknown composer in relation to recent big flooding in Mumbai.......
To be sung to the tune of Ai Malik Tere Bandhe Hum

Ai Mumbai tere bandhe hum,

Yeh kaise, kyun hum pe situm?

Na railways chale, na BEST chale,

Paidal chalte huwe nikle dum.

Ai Mumbai .............

Waise office se jaldi nikle hum,

Jamke station tak badaaye kadam,

Hum khade the magar, gaadi ki naa khabbar,

Toota ummeed ka papaddum.

Aake baahar jab pheri nazar,

Dekha Bambai bana tha gutter,

Na auto chale, aur na taxi ruke,

Ab kaise karenge safar?

Ai Mumbai .............

Hua baarish se yun saamna,

Na kahin bijali, koi phone naa,

MTNL kho gaya, Ambani bhi so gaya,

Andhere mein hamein chod diya.

Cell-phone bhi kare gadbaddum,

Yeh kaisa bada sankattam?

Bheje mein fikr aur kuch na clear,

Bheeg ke tan man hue bahut naram.

Ai Mumbai .............

Thoda ruk ke maine saans li,

Yaad aane lagi family,

Biwi, tum ho kidhar? Bachhe hain kya udhar?

Ya kahin phas gayen raat bhar.

Ab kaise karenge aur sabr?

Kare koi na aisa suffer,

Mere dil mein fear, aankhon mein tear,

Tension chadne laga ekdum.

Ai Mumbai .............

Chal pada public ka caravan,

Girne walonko kiya saavdhaan,

Hum to chalte rahein, saath badte rahein,

Door manzil, kadi imtihaan.

Man-holes khule the idhar-udhar,

Upar thunder, neeche bhi no cover,

Drainage ke tale, khadde pe gire,

BMC bhi bada besharam.

Ai Mumbai .............

Yeh meteorology jaaya bhaad mein,

Saara Metro duba paani mein,

Koi Shanghai kahein, future Hong-Kong kahein,

Yaaron unko hum paagal kahein.

Yeh hota hai year after year,

Kab sudhrega apna shahar?

Na Government sune, na Bhagwan bhi sune,

Rote tharte, aah pohoncha mere ghar.

Ai Mumbai tere bandhe hum!